unki berukhi mein bhi, iltefaat shaamil hai
aaj kal meri haalat, dekhney ke qaabil hai
qatl ho to mera sa, maut ho to meri si
mere sogvaaron mein, aaj mera qaatil hai
muztarib hain maujein kyun, uth rahe hain tufaan kyun
kyaa kisi safeeney ko, aarzu-e-sahil hai
sirf raahzan hi se kyuun, ‘ameer’ shikwa ho
manzilon ki raahon mein, raahbar bhi shaamil hai
-o-
Advertisement
Filed under: Music Tagged: | ameer, begum akhtar, Jani, Rajen, rajenjani, Unki Berukhi Mein Bhi Iltefaat Shaamil Hai
